|
| 14/11/2009(星期六) 抖咗成晚終於好返啲.......放工可以去玩嘞! 好充實既long week ,簽咗兩隻約,嘢都未執好就12:15嘞.一放工9秒9走去銅鑼灣食嘢,因為約咗Carrie佢哋2:00喺屯門等一齊去踩單食海鮮..... ! 雖然約咗2:00,但等齊人開始踩都成3:30.我都係第一次喺屯門踩去元朗咋,以前讀U無試過.由屯門踩去元朗再返轉頭其實只需要2個鐘多啲,但我哋就踩咗成三個鐘,因為當中發生咗一單"小"意外......Carrie佢架車"攝"咗入輕鐡軌入面呀!!!!!搞到後棧要轉令先行得返呀架車........租車錢$50,但佢就要比多$100去換令囉! 踩完單車我哋就出發去三聖食海鮮,我之前已經嚟過一次,已經覺得好抵!但上次係兩個人嚟所以難啲叫嘢,所以每人都食咗成$200幾差不多三百蚊.今次就唔同嘞...我哋9個人食食咗每人$130蚊咋,真係超抵呀.............海魚又新魚又好味,真係好正呀!  屯門都有北角利強記~
 海鮮檔勁多野賣又勁平!
 馳名燒鵝平隻,九個人都食唔晒!    
 呢隻狗女女又係叫"Shadow"
13/11/2009 (星期五)返工既時候超辛苦,成日都暈駝駝....又耳鳴....個胃又唔舒服.真係好想好想請假返屋企休息,但因為今個星期已經請咗一次病假,所以都係無走到.放工去咗睇醫生,醫生話我血壓超低,怪不得又暈又耳鳴啦.,佢話我要多啲休息.......不過其實唔洗佢講我都會,因為真係超辛苦.所以返到屋企食完碗粥8:30就走去瞓嘞...........
究竟咩係"好似表演啲人咁,成身炮仗"?
| | |
| 今晚都唔知做咩嘢.........睇完戲返到屋企個頭忽然間勁暈,跟住就到個胃唔舒服........成晚瞓唔到!由十一點到而家,都唔知有無瞓咗3個鐘~
睇完Micheal Jaskon this is it.......彷彿睇到一個演唱會既雛型.我想信如果佢未死,呢一個一定係一個全世界最最最出色既演唱會..........可惜事與願違!除此之外仲有一啲感想--好難想像Micheal Jaskon喺彩排時係如此投入如此Charming,但同時佢其實係一個活死人......"死"係指佢無論心理,生理狀況統統都係於一個唔正常既狀態........ Micheal Jaskon=音樂....唱歌係佢與生俱來既天賦,音樂係佢所有既觸感,佢同音樂係天生唔可以分開.條友跟本唔洗練砍,一開口就可以唱到同唱片一樣既音色,一上台就超有超星既光芒....... 真係唔知佢係一個點樣既人.曾經有人話佢係"白人同黑人","大人同小孩","男人同女人"中間生存既人....但我更加覺係"亦正亦邪"既人.佢一方面做過好多令人嘩然既事,另一方面佢又好似好熱愛大自然同好歌頌"愛".......... | | |
| 回來第二天,返工第一天............. 詳情遲啲再打........只係想講"今日做到想死....................."好X辛苦呀!!!!  
 
好在,還有一批靚相挽救我既心情........... !如要睇相請到我facebook! | | |
| 1 Nov 2009 (Monday) 正呀,瞓到11點先起身.之後食咗個"珍寶黑椒漢堡"做早餐......嘩,三層面包加四層牛肉,飽到呀!跟住再喺屋企hea多一陣,三點先出門口!今日有好多地方想去,但因為時間唔係幾夠所以好難安排,卒之去咗香港仔食謝記魚旦........之後又去咗海佁半島行咗一陣,去到都差圧多天黑囉,所以都唔係影到好多相咋.......食完嘢就返咗順天食飯囉..........不過今日餐飯超難食呀 !
2 Nov 2009 (Tue)今日好開心,因為終於約到Karen姐食飯嘞!佢份生日禮物終於送得出嘞.......一放工就閃落銅鑼灣食日式放題.......死啦,仲話減肥喎,而家個人好似失咗控咁,就嚟變痴肥就真.........好擔心呀! | | |
| 31 Oct 2009 (Sat) 萬聖節............但我無去扮鬼只係去咗扮靚,因為今晚去飲表弟嗰餐! 今日係Long week,返四個鐘頭工但都幾忙呀.........兩隻簽約,又要做埋平時積落既paper work.呢排啲渴睡同耳水不平衡又返嚟嘞........日日都超眼瞓,搭親車無論5分鐘至50分鐘都一定暈.有時嚴重到臨收工嗰十分八分鐘就開始暈.今日都係一樣............... 今日放工要先去APM改狗酒店booking ........但由銅鑼灣搭車去觀塘嗰一程車瞓到好似昏迷咗咁呀......之後就極速放屋企抖抖.後來家姐上咗嚟諗住一齊搭車入荃灣飲.家姐嚟到我就去化粧啦,點知點解化化下見到屋企地下有啲一點點血積既........九秒九走去檢查呀仔啦......哎,又係佢整親仔指甲呀.上之已經洗咗我成千幾蚊........錢唔係問題呀,好驚佢有事呀嘛.今次檢查過好似無上次咁嚴重,所以諗住觀察一兩日先決定同唔同佢睇醫生.........不過就比佢我手騰腳震搞到卒之要搭的士去荃灣囉~ 去到酒飲.......都無咩好做,好彩有帶相機可以四圍影下相~ 表弟選擇喺開席前註冊,場面都ok怠人啦.....近年嚟見親呢啲面(例如新娘喊)我都會好感受到有少少想喊,尤其係我熟識既人...............不過同時又會好感慨,幾時先至到我呢! 平時呢啲場合總會有啲唔係太見既親戚問我幾時請飲........但今日連池舅父都問我點解仲唔拍拖呀,我睇得出連佢都有少少戥我擔心~ | | |
|
